ಡಬಲ್ ಡ್ಯೂಟಿಗೆ ಒತ್ತಾಯ,ಅವಾಚ್ಯ ಶಬ್ದಗಳ ನಿಂದನೆ, ವಿಷ ಸೇವಿಸಿದ ಚಾಲಕ
ಕಲ್ಯಾಣ ಕರ್ನಾಟಕ ವಾರ್ತೆ
ಲಿಂಗಸಗೂರು: ಸ್ಥಳೀಯ ಸಾರಿಗೆ ಘಟಕದಲಿ ಚಾಲಕನಿಗೆ ಡಬಲ್ ಡ್ಯೂಟಿಗೆ ಹೋಗಲು ಸಾರಿಗೆ ಘಟಕ ವ್ಯವಸ್ಥಾಪಕ ಸೂಚಿಸಿದ್ದರಿಂದ ಇರ್ವರ ನಡುವೆ ವಾಗ್ವಾದ ನಡೆದು ಮನನೊಂದ ಚಾಲಕ ವಿಷಸೇವಿಸಿದ ಘಟನೆ ಗುರುವಾರ ಜರುಗಿದೆ
ಲಿಂಗಸಗೂರು ಘಟಕದಲಿ ಸುಮಾರು ವರ್ಷಗಳಿಂದ ಚಾಕನಾಗಿ ಕಾರ್ಯನಿರ್ವಹಿಸುತಿದ್ದ ಅಬ್ದುಲ್ ಟೋ.ನಂ11ಈ ಚಾಲಕನು ಕಾರ್ಯನಿರ್ವಹಿಸಿ ಮರಳಿ ಘಟಕಕ್ಕೆ ಬಂದಾಗ ಪುನಃ ಡಬಲ್ ಡ್ಯೂಟಿಗೆ ಹೋಗುವಂತೆ ಸಾರಿಗೆ ಘಟಕ ವ್ಯವಸ್ಥಾಪಕ ರಾಹುಲ್ ವನಸೂರೆ ಸೂಚಿಸಿದಾಗ ಚಾಲಕ ಅಬ್ದುಲ್ ನಾನು ಈಗಾಗಲೆ ಡ್ಯೂಟಿಗೆ ಹೋಗಿಬ ಂದಿದ್ದು ಪುನಃ ರಾತ್ರಿ ಡ್ಯೂಟಿಗೆ ಒಬ್ಬನೆ ಹೋಗಲು ಆಗುವುದಿಲ್ಲವೆಂದು ತಿಳಿಸಿದಾಗ ಇಬ್ಬರ ವಾಗ್ವಾದ ನಡೆದು ಕೈ ಕೈ ಮಿಲಾಯಿಸುವ ಹಂತಕ್ಕೆ ತಲುಪಿದೆ
ಅವಾಚ್ಯ ಶಬ್ದಗಳಿಂದ ವ್ಯವಸ್ಥಾಪಕರು ನಿಂದಿಸಿದ್ದರಿಂದ ಮನನೊಂದ ಚಾಲಕ ಘಟಕದಲ್ಲಿಯೆ ವಿಷಯ ಸೇವಿಸಿದ ಘಟನೆ ಜರುಗಿದೆ
ಕೂಡಲೆ ಘಟಕದ ಸಿಬ್ಬಂದಿಗಳು ಸ್ಥಳಿಯ ಸರಕಾರಿ ಆಸ್ಪತ್ರೆಗೆ ದಾಖಲಿಸಿದ್ದು ವೈದ್ಯರು ಪ್ರಾಥಮಿಕ ಚಿಕಿತ್ಸೆ ನೀಡಿ ಹೆಚ್ಚಿನ ಚಿಕಿತ್ಸೆ ಗೆ ಜಿಲ್ಲಾಸ್ಪತ್ರೆಗೆ ದಾಖಲಿಸಲು ವೈದ್ಯರು ಸೂಚಿಸಿದ್ದಾರೆ
ಆಸ್ಪತ್ರೆಯ ಲಿ ಚಿಕಿತ್ಸೆ ಪಡೆಯುತ್ತಿರುವ ಅಬ್ದುಲ್ ಮಾತನಾಡಿ ನನಗೆ ಈಗಾಗಲೆ ಹೆಚ್ಚಿನ ವಯಸಾಗಿದ್ದು ಡಬಲ್ ಡ್ಯೂಟಿ ಮಾಡಲು ಸಾಧ್ಯವಾಗುವುದಿಲ್ಲವೆಂದು ಹೇಳಿದ್ದಕ್ಕೆ ವ್ಯವಸ್ಥಾಪಕ ವನಸೂರೆಯವರು ಬಾಯಿಗೆ ಬಂದಂತೆ ಅವಾಚ್ಯ ಶಬ್ದಗಳಿಂದ ನಿಂದಿಸಿರುವುದು ನನ್ನ ಮನಸಿಗೆ ಘಾಸಿಯಾಗಿದೆ ನಾನು ರಜೆ ಮಾಡದಂತೆ ಕೆಲಸ ಮಾಡಿದ್ದು ಪುನಃ ರಾತ್ರಿ ಡ್ಯೂಟಿಗೆ ಹೋಗುವಂತೆ ಸೂಚಿಸಿದ್ದು ವಯಸಾದ ನನಗೆ ಆಗುವುದಿಲ್ಲ ಎಂದು ಹೇಳಿದರು ಕೂಡ ನನ್ನ ಮೇಲೆ ಒತ್ತಡ ಹಾಕಿ ಡ್ಯೂಟಿಗೆ ಹೋಗಲೇಬೇಕೆಂದು ಒತ್ತಾಯಿಸಿ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾರೆ ಎಂದು ಪತ್ರಿಕೆ ಮುಂದೆ ಹೇಳಿದ್ದಾರೆ